非凡小廚 (已結業)

轉角位的中式菜館，家常便菜，選擇眾多，社區飯堂，甜品創新，令人流連忘返！迫不及待先介紹甜品，yummy。非同凡響炸雪糕 $32，厚厚一層酥脆外殼，包裹著冰冷奶滑既雪糕，口感特別，出類拔萃，估吾到一家中式小店既甜品做得甘出色。另一款甜品都吾錯，正宗中式色甜品上加一顆雪球，豆沙鍋餅加雪糕$28，金黃香脆薄皮，甜度剛好既豆沙，即叫即炸，熱燙炙口，非常上火，但好食吾理得甘多。食左好幾道菜，鐵板黑椒咸豬手$110必試，份量十足，燴得軟化，豬皮黏稠膠質，入口即溶卻不油膩，不過黑椒重手啲就完美！仲有砵仔焗魚腸$88，買少見少，魚腸肥美，冇魚腥味，食落有嚼口。