影片
更多
2021-10-21
112 浏览
Hong Kong Burger阿仔今日放學遲咗，跟住要去美孚上樂器班。時間倉猝，冇得坐低喺餐廳食午飯，唯有一人一份漢堡包餐⋯⋯呢間漢堡包外賣店，餡料組合多樣化：安格斯牛丶和牛、素牛丶炸雞丶手撕豬肉丶煙肉之類⋯ 買包加$10轉套餐，有罐裝飲品同小食(炸薯條或者蒜蓉包)，非常實惠！阿仔食嘅和牛芝士漢堡包($106)，跟士多啤梨醬，甜甜酸酸。望住佢大啖二啖不停咁食，就知道好啱佢胃口！粗薯條炸得香口，外脆內軟。我都鍾意甜甜酸酸嘅醬汁，於是揀咗千島醬手打炸蝦餅芝士漢堡 ($88)。麵包軟熟，攞上手好有份量。炸蝦餅大件厚身，仲俾我食到原隻蝦仁，果然係良心街坊小店。下次經過，一定再幫襯!!地址：美孚吉利徑6-8號美孚新邨第3期地下74C號舖
阿仔今日放學遲咗，跟住要去美孚上樂器班。時間倉猝，冇得坐低喺餐廳食午飯，唯有一人一份漢堡包餐⋯⋯
呢間漢堡包外賣店，餡料組合多樣化：安格斯牛丶和牛、素牛丶炸雞丶手撕豬肉丶煙肉之類⋯ 買包加$10轉套餐，有罐裝飲品同小食(炸薯條或者蒜蓉包)，非常實惠！
阿仔食嘅和牛芝士漢堡包($106)，跟士多啤梨醬，甜甜酸酸。望住佢大啖二啖不停咁食，就知道好啱佢胃口！粗薯條炸得香口，外脆內軟。
我都鍾意甜甜酸酸嘅醬汁，於是揀咗千島醬手打炸蝦餅芝士漢堡 ($88)。麵包軟熟，攞上手好有份量。炸蝦餅大件厚身，仲俾我食到原隻蝦仁，果然係良心街坊小店。下次經過，一定再幫襯!!
地址：美孚吉利徑6-8號美孚新邨第3期地下74C號舖
张贴
