吉壽日本料理

吉壽放題既特色係佢好少漏單,同埋選擇多。入面小食有魚翅海折,蟹肉,花膠等等其他地方少見d既食品。而且一出火車站就可以見到佢(食個亦係我會選擇佢既原因之一,因為同朋友返左成日工都唔會周圍走搵野食)。甜品方面,除左一般有既佢都會有.例如係焦糖燉蛋,奶畚同埋葡撻等等。飲品方面,佢居然有清酒提供,而且唔係額外收費。呢樣真係值得加分,其他放題邊爐要飲酒通常都要加錢。除此以外,同朋友慶祝生日,只要達到一定人數,鋪頭會有蛋糕送,而且好好味,一定要試下。