安安燒 (染布房街) (已結業)

一直都好鐘意食串燒，依間選擇多又夠特別！首先一定要推介依到嘅芝士撈丁，試左安安秘製三重芝士撈丁，好邪惡，真係好濃郁，有車打芝士、藍芝士同巴馬臣芝士，鹹香味同公仔麵好夾仲叫左燒茄子，原條燒仲要好多蒜蓉，燒到入口柔滑，味道又濃郁，好正蔬菜類方面仲試咗娃娃菜，都幾驚喜，燒完仲保持到入口柔軟，唔會勁乾仲叫左燒鹿兒島豚肉串，豬肉味濃郁仲好多汁，加少少孜然粉已經好好食另外試左黑松露墨魚滑，好特別，彈牙有咬口，仲燒到外層少少脆，有淡淡嘅黑松露香依到仲有燒韭菜餃，未試過食燒嘅餃子，咬落脆得黎餡料又香又軟熟最後仲叫咗蜜汁燒芝心獅子狗同墨魚丸，燒完甜甜地幾正！食串燒一定要啤啤佢，試咗個台灣蜜糖啤酒，入口清香嘅蜜糖味後勁就啤酒嘅苦，特別又好飲！依間嘅串燒質素唔錯！