古今二 (The ONE)

营业中

休息中

同朋友出去行尖咀行到攰攰地，就上左去The one呢度搵野食，之後就上黎見到呢間係食日式既fusion菜，裝修都幾有日本既感覺，就決定試下佢。龍卷風沙律 ＄８８首先一上枱就俾佢既份量嚇親，佢既size我諗係平時我地出面食既沙律多一倍，非常多！入面有好多沙律菜，蟹子，蟹柳，用料十分豐富，之後佢既醬汁係用燒汁，唔會好似平時沙律醬咁肥，再加上佢係辣辣地，十分開胃。埼玉網燒牛舌 ＄７８牛舌燒得好好，唔會太韌，同樣地都有返咁上下既厚度，仲可以保持到一定既濕度，好juicy，呢個非常好食，推介。黑豚豬頸肉串燒 ＄６４豬頸肉燒得唔錯，有陣焦香既味道，咬落好多肉好有彈性但唔肥，一串有６舊，份量都幾多，可以一試。金龍卷 ＄１０５呢個金龍卷係有三文魚，炸蝦同芝士，炸蝦上碟時仍然香脆，同鋪係上面既三文魚，形成多重口感，餘韻再帶出芝士味，食落去更加幸福。火山 ＄１２８店員上碟果時會即場係個卷物周圍點火，就好似火山一樣，非常打卡able。個卷物係有牛油果，蟹子，蟹柳同青瓜，食落同火山一樣咁爆，口感十足。