影片
更多
2022-09-24
107 浏览
2022年9月13日 星期二今晚同老婆預約咗一間好特別嘅日式餐廳，位置喺銅鑼灣，主打嘅食物同餐廳店名一樣有個鳥字，日文嚟講即係雞睇返餐牌餐廳主要售賣嘅串燒都係雞唔同既部位，有啲我係完全未見過嘅，例如雞掌心、雞腳筋、日本提燈等等，全部都好特別，唔知點揀好，所以我哋最後決定要Mori set，有八串精選雞串燒，由廚師發板，另外仲有燒物同主食添點完菜後等左大約10分鐘左右後，首道串燒就送到，係芝麻雞柳，芝麻味燒得好香，而且雞柳食落去一啲都唔鞋口，夠晒嫩滑之後有雞心元，食落去煙煙韌韌，燒得幾香，而且調味好足夠呢一個係梅子醬雞胸肉，用咗紫蘇葉包住，再喺上面加咗梅子醬，食落去酸酸地幾開胃，雞胸肉都好大舊然後有雞胸軟骨，原本以為應該會似雞軟骨咁一粒粒，冇諗過係呢個樣，食落去出奇地脆脆地，如果送埋酒食嘅話一流最估唔到嘅係雞冠都可以燒嚟食，真係人生第一次試，食落去嘅口感似係軟林林，有少少脂肪，淮鹽味幾突出，燒得都幾香口，冇諗到會有呢個口感之後再有燒雞肝，好似食緊豬潤咁，但係上面加咗醬汁，所以惹味好多，而且份量都唔少，每一舊雞肝都沾滿左醬汁到主菜方面，我哋分別叫咗兩個唔同嘅主菜，呢一個係厚燒牛舌伴芥末籽同
今晚同老婆預約咗一間好特別嘅日式餐廳，位置喺銅鑼灣，主打嘅食物同餐廳店名一樣有個鳥字，日文嚟講即係雞
睇返餐牌餐廳主要售賣嘅串燒都係雞唔同既部位，有啲我係完全未見過嘅，例如雞掌心、雞腳筋、日本提燈等等，全部都好特別，唔知點揀好，所以我哋最後決定要Mori set，有八串精選雞串燒，由廚師發板，另外仲有燒物同主食添
點完菜後等左大約10分鐘左右後，首道串燒就送到，係芝麻雞柳，芝麻味燒得好香，而且雞柳食落去一啲都唔鞋口，夠晒嫩滑
之後有雞心元，食落去煙煙韌韌，燒得幾香，而且調味好足夠
呢一個係梅子醬雞胸肉，用咗紫蘇葉包住，再喺上面加咗梅子醬，食落去酸酸地幾開胃，雞胸肉都好大舊
然後有雞胸軟骨，原本以為應該會似雞軟骨咁一粒粒，冇諗過係呢個樣，食落去出奇地脆脆地，如果送埋酒食嘅話一流
最估唔到嘅係雞冠都可以燒嚟食，真係人生第一次試，食落去嘅口感似係軟林林，有少少脂肪，淮鹽味幾突出，燒得都幾香口，冇諗到會有呢個口感
之後再有燒雞肝，好似食緊豬潤咁，但係上面加咗醬汁，所以惹味好多，而且份量都唔少，每一舊雞肝都沾滿左醬汁
到主菜方面，我哋分別叫咗兩個唔同嘅主菜，呢一個係厚燒牛舌伴芥末籽同山葵薑，味道出奇地配合，因為加咗芥末籽就可以清除所有牛舌帶黎嘅油膩感
至於呢一個就係燒白鱔，燒得幾香之餘魚肉好紮實，有口感，完全無腥味同無骨，岩晒老人家或者小朋友食
最後個餐仲有惠比壽炭火親子丼，雞肉用左炭火燒之後更焦香，多左一層炭香味，而丼飯上面加上左好多紫菜碎，食落去口感更豐富，極速已經俾我哋清碟
埋單兩個人加埋大約千三蚊左右，能夠食到咁多罕見嘅雞部位，相信香港冇乜邊間餐廳可以提供到
张贴
