野郎Stone (已結業)

又一間可以俾我用黎緩解對日本思念既地方，野郎stone！淨係外面個裝修已經好似日本餐廳咁，先係出面部機禁完想要既食物，再將飛仔交俾店員。之後坐定定就可以食到頂級靚牛！有得食喇！！！今次就叫左個牛肋間隔膜，係店主推介既部位。肉身會比較厚，質感好豐富實在。所有牛都係輕輕燒過之後就放係熱辣辣既岩板上面，之後要幾熟就睇各人既口味喇。注意雖然有岩板熱住，去到後期都會有可能因為岩板唔夠熱對肉質有所影響，所以都係建議大家盡快食哂佢！！店內亦有介紹食用方法，一開始會有張紙蓋住食物，防止d 汁彈到食客，好貼心。等半分鐘之後就可以開始食用，要幾多成熟就大家，大約做法可以參考番圖片講解，有埋圖俾大家參考。醬料方面都幾多，左起係黑椒，蒜蓉，岩鹽，自家制味噌，檸檬醬，燒汁用左唔同醬汁配搭都可以做出新感覺，完全係味覺大激發岩鹽我鐘意整到medium-rare 到 medium 左右咁食日本鐵板燒店既感覺～～