樂天經典 (已結業)

出去行街，雨勁大果陣，即刻匿入商場。 見到成日聽既樂天，就上左去。 上到去，覺得呢度好grand ，每張桌子都有些距離，就算一大班人聚埋傾下計，都唔會太嘈。 好多野食既選擇，有唔小特色既菜式，不過我唔食得辣， 食唔到佢地最出名既野。呢碟前菜，栗子好甜好好食，忍唔住食左好多。 呢碟魚好味甜甜地，但對我黎講有點辣。 脆卜卜好岩送酒。呢碟椒鹽准山，係我全晚最愛。一黎未食過，二黎個調味配搭剛剛好 ， 可以賴健康得黎又食到香口野。櫻花蝦四季豆賣相好好，好岩送飯，味道偏咸。 第二最愛，黃金蝦球，咸蛋黃味唔太夠，不過好香，蝦好有咬口同彈性。扣肉刈包，個包好軟熟。塊肉好軟身，分量十足，如果好似台灣咁有花生碎加埋入塊就更正啦 。荔枝咕嚕肉，荔枝好甜，好耐無食過荔枝了，估唔到可以咁樣煮法，碟碟都好有穫氣，好脆既皮。炸粉分量適中，食到停唔到口。楊枝甘露，好滑身，成為好好既一個句號。總括黎講，上菜速度快，食物夠穫氣，食物又有新意。