Greyhound Café Galleria (K11 Musea)

营业中

休息中

今日落大雨老公开车去左k11 musea,本身商场都冇咩平价嘅餐厅，food court 超多人，所以情愿比贵少少坐得舒服啲，系餐厅门口排左5-10分钟就有位，门口已写明人均消费要150蚊，呢间餐厅环境ok,坐窗嘅位望维港景，不过服务真系麻麻，叫左3次都冇人过嚟落单，明明waiter见到我，仲同我示意会行过嚟，但佢最后都系走去做其他嘢或者帮左另一枱客落单，仲要系3个唔同嘅waiter都系咁，食物味道唔错，但其中嘅炒金边粉份量好少，价钱唔算平，男士食一定唔够饱，另一个冬阴功螺丝粉就好好食，入面仲几种海鲜，值返个价钱。另外，我见旁边果枱客叫左个carbonara，等左30分钟，佢哋提左waiter5次，但waiter次次都话整紧，明明佢早过我哋叫嘢食，好明显系漏单。最后埋单个阵，waiter 掉张单过嚟我哋枱面，心谂你哋连水都要比钱，应该都算系高级餐厅，点解服务仲衰过出面茶记？好难怪啲人唔北上去揾食