影片
更多
2022-06-17
242 浏览
.📍Q1第一郡📍#饅頭去深水埗 #饅頭食越南菜 #饅頭食麵包------------------------------1️⃣ 蟹膏蕃茄湯檬 ($60)講真本身喺深水埗地區見到呢個價錢我覺得佢係稍為進取，但食完就覺得都物有所值。首先佢哋嘅湯底做得好有層次，入口就feel到好fresh嘅鮮味😍，我估店家應該係有放蟹去煲呢個湯，同時蕃茄香氣非常濃郁，醬油鹹味同清新酸酸甜甜嘅茄香互相平衡🍅，最後仲有檸檬葉為湯底增添清香，令成碗湯唔會好油膩，就咁飲都覺得好正。而呢度嘅檬粉質感有啲似蛋白麵，非常幼細滑身易咬，唔會過爛，掛湯能力一流，每啖都感受到麵同湯汁嘅唱和😋；至於配料最吸引人嘅莫過於嗰塊密度極高，口感成嚿蜂巢豆腐似嘅蟹膏😚❤️，仲有豆卜，兩者成功鎖住湯汁，特別係蟹膏本身自帶濃郁嘅鹹鮮味，同酸甜湯底又互不遮掩，成陣湯底味道久久散發於口中，仲食到少少蛋香，味道好豐富又唔雜亂🈵！至於豬紅爽口唔會好易夾散，扎肉就係越南出名好食嘅火腿腸，仲有新鮮爽口嘅芽菜同生菜🥗，足料至基本上兩人share再加款小飲都夠飽。◾評分：8.8/10------------------------------2️⃣ 越式法包 ($50
📍Q1第一郡📍#饅頭去深水埗 #饅頭食越南菜 #饅頭食麵包
------------------------------
1️⃣ 蟹膏蕃茄湯檬 ($60)
講真本身喺深水埗地區見到呢個價錢我覺得佢係稍為進取，但食完就覺得都物有所值。首先佢哋嘅湯底做得好有層次，入口就feel到好fresh嘅鮮味😍，我估店家應該係有放蟹去煲呢個湯，同時蕃茄香氣非常濃郁，醬油鹹味同清新酸酸甜甜嘅茄香互相平衡🍅，最後仲有檸檬葉為湯底增添清香，令成碗湯唔會好油膩，就咁飲都覺得好正。
而呢度嘅檬粉質感有啲似蛋白麵，非常幼細滑身易咬，唔會過爛，掛湯能力一流，每啖都感受到麵同湯汁嘅唱和😋；至於配料最吸引人嘅莫過於嗰塊密度極高，口感成嚿蜂巢豆腐似嘅蟹膏😚❤️，仲有豆卜，兩者成功鎖住湯汁，特別係蟹膏本身自帶濃郁嘅鹹鮮味，同酸甜湯底又互不遮掩，成陣湯底味道久久散發於口中，仲食到少少蛋香，味道好豐富又唔雜亂🈵！至於豬紅爽口唔會好易夾散，扎肉就係越南出名好食嘅火腿腸，仲有新鮮爽口嘅芽菜同生菜🥗，足料至基本上兩人share再加款小飲都夠飽。
◾評分：8.8/10
------------------------------
2️⃣ 越式法包 ($50)
呢個我都好推薦，當初真係估唔到佢有成8寸咁大份。包最外層嘅皮係烘到好似餅乾咁脆，散發小麥香氣🥖，咬嗰陣有微微拉扯勁，內裡就唔係想像中咁煙韌，不過都好有回彈好好咬，食到某啲位仲感受到淡淡嘅牛油香。
內餡有腩肉、越南扎肉、肉鬆、青瓜、蘿蔔絲同香芹檸檬葉。好欣賞佢哋嘅腩肉雖然肥瘦比例係1：9，但肉質係足夠鬆軟，唔會又乾又柴，豬肉鮮味明顯🐷，仲帶有少少脂香。扎肉非常彈牙；肉鬆質地亦唔會好乾，主要負責提供鹹味，又唔會完全掩蓋另外兩款肉類嘅味道；小編亦好欣賞佢哋嘅蔬菜全部都好新鮮爽脆😍，酸酸甜甜嘅調味開胃又清新，恰好balance肉類嘅鹹香。如果肝醬嘅份量可以再多啲會更好，不過整體都唔會好乾；唯一一個缺點就係佢份量有啲大，當你個口唔夠大嘅時候，有時咬到肉類偏多嘅位置可能會覺得有啲鹹，要即刻咬返啲蔬菜平衡下😂。
◾包體：4.0/5
◾內在餡料：4.4/5
◾評分：8.4/10
------------------------------
🔸整體評分：8.6/10
🔸小編回頭率：8/10
张贴
