牛摩 (荃灣千色匯I) (已結業)

牛!全部都係牛!經過荃灣千色匯,見到間新開既肥牛火鍋任食! 感覺價錢合理同環境唔錯, 所以就同朋友入左去食晚餐.因為都係6點50左右, 時間仲早既關係, 所以都唔洗等位就直接入得! 另外, 又因為係7點前入坐! 所選既套餐都係平D, 相對於7點後入座 會平20蚊左右.甘係門口選好左湯左同肥牛套餐後, 職員會帶我地入去就坐.甘我就選擇左番茄濃湯配美國牛肉! 坐底都無5分鐘, 就已經上左個湯底鍋.效率相當快.另外,都一同上埋套餐牛肉, 同包埋既豬肉,雞件, 海蝦,青口及帆立貝!因為實在係太肚餓既關於, 都唔記得左影海鮮類既相! 哈哈. 但都算係新鮮, 特別係海鮮,大大只同食落口時夠彈牙.甘美國牛肉方面都算不錯! 唯一抵讚既係 牛肉味重同有肉感!  (同職員ENCORE 時, 都好快上到, 絕對無拖時間)除左黎D之外, 因為係任食加自餐火鍋既關係, 出面台都提供左不同既丸類,蔬菜草菇類!另外都有少量熟食, 炸物同壽司!   當食主菜牛肉 食夠後, 都可以試下唔同既食物!係場地既邊邊, 有個自助既飲料地帶! 甘我就試左個蘋果沙冰! 食到興恰恰,飲左凍野真係爽!黎杯沙冰 不過不失!還可接受,蘋果