新記 (牛頭角道)

营业中

休息中

🔸星洲炒米 $49🔸蜆介鯪魚球 $58🔸菠蘿咕嚕肉 $61🔸XO醬叉燒炒蛋 $71🔸生滾貴妃雞粥配香煎蘿蔔糕 $62-收工想食茶記，嚟到牛頭角呢間新記，聽講呢間茶記又同時好出名食雞粥，一於試試佢！嚟到啱仲有下午茶，拿拿臨叫咗兩份。招牌生滾貴妃雞粥，上枱勁大碗而且超級綿滑，雞件嫩滑，加埋葱花增添風味。配大大件蘿蔔糕兩件，認真抵食～ 星洲炒米係我至愛，炒得好香好夠味，而且配料夠多。另外叫多咗幾個餸配粥食：菠蘿咕嚕肉酸甜適中，炸得夠酥脆；叉燒炒蛋炒得好滑，叉燒偏瘦但唔乾身，加埋XO醬增加鹹香感。最後男朋友仲想試埋蜆介鯪魚球，話好少餐廳有，依度嘅蜆介好味，鯪魚球係真魚肉唔係麵粉嚟，好味😋