潮食居酒屋 (已結業)

之前試過佢哋lunch嘅鐵板牛舌定食，好有驚喜，所以再嚟試下晚市。豬軟骨拉麵湯底濃郁，豬軟骨煮得夠腍，面條彈牙，每一啖都充滿風味。明太子玉子燒玉子燒嫩滑鬆軟，明太子嘅鹹香提升咗整體層次，食完令人回味。大蝦天婦羅外脆內嫩，蝦肉夠鮮甜，天婦羅嘅炸漿唔會太油膩，炸得夠乾身，保留到食材嘅原味！燒牛舌牛舌厚身，燒得啱啱好，彈牙juicy，調味簡單但突出牛味，必點！燒白鱔串白鱔鮮嫩多汁，燒烤過程中充分吸收咗醬汁，十分美味。燒雞肉串同雞軟骨串雞肉串多汁，雞軟骨串香脆可口，兩款串燒都係必試。老闆夫婦服務親切，令整個用餐體驗更加愉快，呢間絕對值得一試！