三星台菜食堂 (The L. Square) (已結業)

中午 12 點10 左右上咗去三星，已經有幾檯食客，店內面積不大，想開陽啲，於是坐面向街既窗邊。陽光加埋銅鑼灣市景，係正的。叫咗兩個 set lunch— 魯肉飯 set（$66）、三星鮮茄牛肉麵（$96），包兩杯飲品同兩個小食。魯肉飯同預期中差不多，酸菜好味啊，而且都幾大方，有放在檯面俾客人任加的。三星鮮茄牛肉麵係亮點，好好味！雖然有啲貴，但如果鍾意食台灣牛肉麵，this is the place to go！小食同飲品都幾好，令成個用餐體驗更完整～！因為飲品竟然有烏梅汁同冬瓜檸檬等等啊，係好有心的 lunch set。