甘味讚岐手打烏冬 (已結業)

午市時間吃了個“牛肉柳川木魚湯讚歧手打烏冬”, 個名好鬼長....我開頭以為烏冬上面有木魚飛飛下, 但食物黎到先知係冇既, 應該純粹個湯底用了"柳川木魚" 製成吧. 我一向最喜歡用鍋上的烏冬, 覺得特別好味, 而且總覺得用鍋上的烏冬會特別熱騰騰的. 呢鍋入面有啲蛋和紫菜絲, 木魚湯底味道OK, 唔算好鹹, 但冇乜特別, 同吉野家果啲烏冬湯底都唔差好多! 烏冬煙韌彈牙, 好食, 讚歧手打烏冬果然是這裡既招牌. 牛肉肉質唔韌, 都有好幾片. 整體都算幾滿意, 不過這客午市定食要$60 仲另收加一, 雖然包熱飲, 但烏冬份量唔算多, 價錢偏貴, 唔抵食!!