金九記海鮮火鍋酒家

营业中

休息中

今日我最尊敬嘅前老細揸車接我放工，約好要同我食生日晚餐...因為會喺西貢食嘅關係，橫掂都係過海，所以前老細好好人，車埋Edwin同大秘書姐姐返屋企先再去西貢食海鮮....差唔多到西貢個停車場.....突然前老細一聲"死啦"...原來個停車場搭咗棚做觀音誕節慶....點知嗰度冇得泊車....不過好彩都尚早(七點左右)，所以隔離個車場都仲有位...咁泊好車...就走入白沙灣一間海鮮食店(佢二十級相熟)，咁前老細就走咗出去選海鮮.....好啦....咁講講有咩食啦....第一碟係豉油皇魷魚筒....啲魷魚筒細細隻，好入味，而且爽爽脆脆，真係好好好好好好食....簡直冇得頂! 我一定會因為呢味餸再去..第二碟係沙薑雞半隻，首先真係要話過大家知...我真係好鍾意食沙薑item...而且呢個沙薑雞...唔點沙薑都好有沙薑味...好正，不過對於我嚟講....隻雞過熟....生生哋嫩啲仲正。第三味...應該係"椒鹽"瀨尿蝦...又ok喎...前老細話唯一有"米"即係有膏嗰隻都俾佢order咗..之後最尾嗰味...原來係清蒸青衣(仲要係海魚)...超嫩滑同鮮甜...真係不能用文字形容....總之超正!!