漁樂鍋 (已結業)

同父親大人慶祝父親節，諗左好耐，唔知食咩好。唔想咁普通，又要岩口味！思前想後，仲有一個星期就已經係父親節。一於去食高貴嘅海鮮火鍋啦！拿拿聲打電話訂位！好彩仲訂到位！預訂埋海龍皇餐😋之前食過一次，所以都好清楚食法。今次4人份量，海鮮盤上枱，真係嘩嘩聲！好大盤，好有份量！啲牛肉超好味！海鮮鍋製作中😂唔好以為啲蝦唔郁，一打開個蓋，就跳出來，嚇C人，實在太生猛了，好新鮮！其他食物無影相了，因為掛住食😂太好味！開始煮粥，可以自行決定加唔加以上配料。鮮味海鮮粥煮好了！實在太飽太滿足！仲有糖水😅食唔落了！