影片
更多
2018-02-04
2039 浏览
呢几个月试过铁板烧，又试过拉面、海鲜丼、日式烧肉、涮涮锅、浜烧……等等专门店，喺串烧专门店较少到访，因为成日觉得啲串烧细细串好似食极都唔饱，收费又唔喺平。但最近有街坊推介荔枝角D2 Place二期嘅「北海道炉端」，定价相宜，加上近我，食完行返屋企都仲得，当喺散步消化吓。晌门口，已见佢哋嘅装修都花过心思，深木系一派北海道小木屋格，挂满极富和风嘅灯笼。走进餐厅里面，同样甚有气氛，唔同位置，都摆设唔同嘅装饰，斋影环境，都呃得吓人去咗北海道嘅餐厅。餐厅近窗嘅一边，设立多个小个室，更有私隐度，如知道有呢啲房，订枱时就要求坐里边啦，不过，就无特别查问有咩要求如要知室嘅话。虽然睇店名，让人感觉都喺主力为串烧，其实，翻一转餐牌，你就见有好多其他类型食物。打开餐牌，先喺各式各样嘅啤酒、鸡尾酒、餐酒、特饮、烧酌……等等饮品。再翻，仲有前菜、沙律、刺身、特色小菜、特色意粉、炸物、烧物。甚至乎丼饭、拉面都有，甜品亦自不然唔少得啦。数吓数吓，真喺有过百款嘅食物，但有咁多嘢卖，会唔会周身刀，无张利呢！反而，我哋一心嚟打算食串烧，大部份嘅串烧食物却印问另一张简便嘅餐牌上；此外，亦加插一啲推介菜式及锅物。之但喺，一向
晌门口，已见佢哋嘅装修都花过心思，深木系一派北海道小木屋格，挂满极富和风嘅灯笼。走进餐厅里面，同样甚有气氛，唔同位置，都摆设唔同嘅装饰，斋影环境，都呃得吓人去咗北海道嘅餐厅。
餐厅近窗嘅一边，设立多个小个室，更有私隐度，如知道有呢啲房，订枱时就要求坐里边啦，不过，就无特别查问有咩要求如要知室嘅话。
虽然睇店名，让人感觉都喺主力为串烧，其实，翻一转餐牌，你就见有好多其他类型食物。打开餐牌，先喺各式各样嘅啤酒、鸡尾酒、餐酒、特饮、烧酌……等等饮品。
再翻，仲有前菜、沙律、刺身、特色小菜、特色意粉、炸物、烧物。
甚至乎丼饭、拉面都有，甜品亦自不然唔少得啦。数吓数吓，真喺有过百款嘅食物，但有咁多嘢卖，会唔会周身刀，无张利呢！
反而，我哋一心嚟打算食串烧，大部份嘅串烧食物却印问另一张简便嘅餐牌上；此外，亦加插一啲推介菜式及锅物。之但喺，一向都有影低啲餐牌留个记镀，最怕啲餐牌过咗胶，影出嚟会反晒光，当然，以餐厅而言，就好管理！
黑芝麻烟肉沙律 $48先嚟一道沙律，和风沙律用上胡麻酱喺惯常嘅事，然而，用黑芝麻酱就甚少见。道沙律除咗有沙律菜，仲有粟米、蕃茄、青瓜、烟肉碎及滑豆腐粒，黑芝麻酱喺另上，淋多淋少随个人喜好。本身啲食材新鲜，淋上香浓嘅黑芝麻酱后，口感清爽，味道浓香。
黑芝麻烟肉沙律
$48
9 浏览
0 赞好
0 留言
5款串烧 $1165款串烧包括和风芥末猪腩串、帆立贝串、盐烧鸡翼、免治鸡软骨棒、日本蕃薯仔，一碟放齐5款串烧，又烧得好靓仔，非常吸引。
5款串烧
$116
49 浏览
0 赞好
0 留言
虽然喺猪腩串，入口一啲都唔觉肥腻，可能就喺因为个芥末酱汁，带微微芥末味，辣度隐若，却出奇地有减腻之效，再者，肉质带点点爽脆感，确喺几好食。
帆立贝串啲帆立贝又大粒，又有睇头，烧得好似披上一层黄金大衣。口感唔错，软腍得嚟有少少弹牙，仲有点碳火香添。
盐烧鸡翼开边做成单骨鸡翼，食起嚟比较易，外皮入口十分香脆，不过，话喺一只，两人分嘅话人其实一人食得半只，好似一阵风咁两啖食晒。
免治鸡软骨棒一大条免治鸡肉棒，食落好腍，有松化之感，再咬落去，有啲咬口感，就喺因为里面混咗鸡软骨，口感过瘾。
日本蕃薯仔啲蕃薯仔细细粒，一口一件，质感十分粉糯，带蕃薯香，涂上点点蜜糖，更感清甜。
牛舌 $385串串烧就梗喺未够喉啦，追加一串牛舌，喺朋友嘅至爱，小弟亦钟意食，因为口感柔韧，又有一股独有嘅膻味，就咁盐烧，唧啲柠汁，已非常好食。
牛舌
$38
10 浏览
0 赞好
0 留言
平衡番啲邪恶嘅肉类，秋葵喺最心水嘅串烧野菜，烧过之后，秋葵嘅口感无咁滑潺潺，反而，就多咗份脆口感。
入门口之前，门外贴咗唔少杂志报导，不过太密麻麻，无乜点睇；相对哋，就留意到一块座地黑板，介绍其松叶蟹海鲜锅，因为画得精细有趣味。晌餐牌中就揾嚟揾去都唔见有，向店员查询，原来就喺另页餐牌中嘅猪骨汤海鲜锅。
猪骨汤海鲜锅 $178虽然话喺一人前锅物推介，但两个人食绝对卓卓有余。整份锅物捧出嚟，真喺颇大份，野菜垫底，上面铺满多款海鲜：松叶蟹脚、虎虾、广岛蚝、帆立贝，样样都打孖（帆立贝除外），配上半份乌冬，所以，喺咪两个人食都无问题呢！
松叶蟹海鲜锅
$178
22 浏览
0 赞好
0 留言
若然咁都仲未够，又或对个别食材有兴趣，无问题，可以追加各款海鲜料及乌冬。
松叶蟹脚成日都讲，小弟都钟意食蟹，但就唔钟意拆蟹，所以，只蟹脚拆好晒，一熟就食得，爽呀！蟹肉好鲜甜，肉质细致，唯可惜食得一只就梗喺唔够喉啦。
虎虾算唔上超大只，但至少唔喺啲虾毛仔，虾肉爽口，几有虾鲜味，用料唔失礼呀！
广岛蚝啲蚝滚完都唔喺好缩，仲保持住几大只嘅身形，蚝肉仲喺几肥美吓，入口蚝味都算浓，质素不赖。
帆立贝对比起串烧嘅做法，灼过嘅帆立贝口感更弹牙，而且，更有一份鲜甜味，始终，个猪骨汤做得不俗，所以，我哋都饮清光唔好嘥。
抹茶心太软 $48食到尾，大家仲有啲位，不如一客甜品两份共享吧！几款甜点，友人就建议心太软，本以为就咁一件心太软（因餐牌相喺咁），上枱嘅成品有意外靓嘅卖相。
抹茶心太软
$48
10 浏览
0 赞好
0 留言
最近一连睇咗两辑南韩综艺节目：「尹食堂（第一辑）」、「姜食堂」，卖点喺揾艺人营运一间餐厅，好睇又好笑，其实，都知搞间食店真喺唔易。做客人嘅，可以讲喺以逸待「炉」，嚟到点完菜就等食，食完拍拍屁股就走得。讲番「北海道炉端」，环境好，招呼到位，做菜都有番咁上下水准，难得定价亲民，值得推介俾我班美孚街坊朋友。
张贴
