劉興記生煎包專門店

晚餐時間去需要排隊，不過等十分鍾就入得，地方細細但都有3/40個座位。而且，都幾多遊客黎食，當日旁邊分別有日韓遊客。有套餐揀，好抵食，包生煎包同豆漿，呢兩樣都係必食必飲，實在太正🤤。要大讚呢到姐姐服務好好，好有親切感。

✨豆漿 👍🏻👍🏻👍🏻
口感滑順濃厚，唔係平時一般個種水水淡口，係偏少少杰身，飲得出好足料，豆味濃微甜。

豆漿

✨生煎包👍🏻👍🏻👍🏻
熱辣辣，要小心咬，因為真係超多湯汁爆出，內餡豬肉大舊鮮味，加埋底部煎脆口感，非常滿足，令人印象深刻，係呢到必食美食，如果無爆汁可以要求更換。

生煎包

生煎包

✨雞絲酸辣湯套餐 $54
酸辣味岩岩好，好開胃。雞絲分量唔少，肉質嫩唔鞋口，有埋香菇同豆腐令成碗湯好豐富。

雞絲酸辣湯

✨蔥油雞扒菜飯
菜飯呢個配搭好好，菜飯清爽可以減低雞扒膩感。雞扒多汁，蔥香味濃，令人食欲大開。

蔥油雞扒菜飯