蒲點 (已結業)

夜麻麻又落雨，本來想出去旺角食飯都唔想去，臨時改為喺樓下食飯，見到呢間有燒嘢食， 就第一次嚟呢間食飯。首先叫了一個拉麵，味道正常，糖心蛋勁好味，係流心嘅；其他串燒之中，以燒鰻魚最正，燒到啲皮好脆，只賣68，性價比高，其次就係雞泡魚乾、燒司華力腸、燒雞皮都好好味，雞軟骨同雞腎就略為太細太乾，有進步空間，仲有可以喺度睇播波，老公一路食一路睇波勁開心，下次試吓外賣！值得支持的小店，下次去試吓其他串燒，以及其他日本小食！