逸東海景燒烤場 (已結業)

疫情無咁嚴重，相約朋友到逸東村正記後面有一個叫「逸東海景燒烤場」大快朵頤，提早用WTS預訂位，方便快捷而且預先訂咗每位送海鮮一份。當日星期六都係用HKD 168 任食，包汽水🥤一罐。❤️其他額外收費。營業時間下午3點至10點，當日三點烈日當空下🌞我地照去燒嘢食🤤場地提供太陽傘⛱️帳幕、所以唔使驚晒親。同埋職員好細心即刻開咗把大風扇吹住黎燒降一降溫，一坐低，職員可快手開爐同拎三罐隨機汽水🥤比地。食物區內得兩個雪櫃，每樣食物都獨立包裝，方便衛生。有最常見香辣雞翼、黑椒雞翼、咖喱魷魚🦑、雞腎、同埋基本腸仔、紅腸等，味道只會話不過不失。調味料餐具🍴區域是同一個位，提供基本牛油🧈同蒜蓉。最好味竟然係白方包、同生命蜜糖包。本身已提供燒烤叉同蜜糖。小朋友仲可以有大型充氣彈床玩，放一放電，而成人就可以邊燒野食邊欣賞風景🔥總結：整體環境服務都好好👍🏽可以同朋友HEA一日燒足7 個鐘真不錯🔥