燒肉時代 (已結業)

今日放假同男友去大嶼山坐纜車，遊完昂坪之後落返東涌食野。因為東薈城都塞滿遊客，所以我地就去左隔離既富東商場搵野食。估唔到呢個細細既商場都有幾多選擇喎，行左一陣之後，我地入左間食韓國燒烤既鋪頭，叫燒肉時代。發現原來拍拖以黎係第一次食韓燒，入到去見佢啲裝修都幾新淨幾有特色，招呼我地既兩公婆係韓國人都幾有禮貌(應該係老闆無誤)，第一感覺唔錯呀。一場黎到食韓燒就梗係叫多啲野食試下啦，我地叫左一份雜錦燒肉拼盤(有雞、牛、豬、扇貝，肉質味美，係有級數既肉，好味！)，一個五花肉石鍋拌飯，一個牛肉炒粉絲。出乎意料，竟然好好食喎😳估唔到起東涌都食到禁有水準既韓菜，有friend入東涌既話值得推介👍🏻最後，因為份量太多，係食唔晒既🤣🤣