一喜‧燒肉

营业中

休息中

同朋友2人睇完戲去搵食,見到依間燒肉店入去睇下,時間尚早未係太多人不用等位,先點了個澳洲安格斯牛板腱放題,配埋個打邊爐,要咗壽喜燒鍋,甜甜的美味,最開心係食燒肉放題可以同時打埋邊爐,燒肉同邊爐既肉類食品不同,燒肉可選原味,味噌,燒肉汁,辛味,鹽醬味夠多選擇,燒肉點了澳洲安格斯牛板腱配燒汁,好出色,肉質結實燒落好香口,再點了牛舌夠Q彈,脆口,再點了多春魚燒到好香口,個人很喜歡!食放題最開心係自取飲品,都有好多選擇,汽水同埋茶類,仲有加錢可以飲埋啤酒任飲,自助區仲有蛋糕甜品雪糕,有邊爐食品丸類,仲有沙律,生菜,魚皮,中華沙律,泡菜任取,欣賞所提供既肉類夠新鮮,同朋友傾下食下係一個好地方,下次會再嚟幫襯.