花丸 (已結業)

上網見到有人去食DIY章魚小丸子，喚起左細個成日食既記憶，決定都搵一間去試下。見到花丸除左有小丸子，仲有御好燒同燒肉，就決定去呢間。上邊一張四人枱兩個爐，個爐係可以換唔同燒烤板既。我地叫左洋風芝士小丸燒同八爪魚花丸燒。睇人整小丸子好似好易但係親手做落又唔係，好彩佢有教學比我地，跟住做個小丸子都唔會差得去邊。洋風小丸子入面係香腸唔係八爪魚，食落味道唔錯但係冇八爪魚咁原汁原味。最後加埋d醬同紫菜就十足十街邊買個d咁。燒肉方面d肉調味幾好，幾入味。不過個爐太淺，d油彈到周圍都係。最後係御好燒，唔知同大阪燒有咩分別，撈埋d材料一齊放上鐵板度燒。要小心唔好整到太大舊，如果唔係好難反。燒好之後加上醬汁就完成，味道同大阪燒一樣，係材料唔同。