喜膳燒

营业中

休息中

好耐無去過燒烤，突然挑起條根好想食燒烤肉，但又唔想自己郁手燒，搞到全身燒烤味。同事介紹喜膳燒有師父燒埋食物，時間仲控制得啱啱好，食物新鮮；種類多有創意又好味，就去試試。係尖沙咀地鐵站行幾分鐘就到，地方唔算大；天花燈罩有懷舊氣氛；馬賽克磁磚圍住小酒吧，增添幾分色彩。美國珍寶燒蠔足足6吋長；啖啖肉，有海產鮮味👍。燒紐西蘭羊架;醃得入味，師父燒得恰到好處。日本霜降和牛串；入口淋嫩😋。沙爹燒厚魚肚同燒黑豚肉龍躉卷都係幾矜貴食材，好有創意又估唔到魚肚有口感彈牙；豚肉龍躉卷兩種肉類卷埋一齊入口，風味獨特。燒香脆日本雪魚乾，一片片薄條好鬆脆，同朋友嚟一邊飲酒一邊嘆最好不過。