更多
2019-01-06
614 浏览
是夜来到油塘大本型内的深井陈记,门口已见到一只只油光闪闪嘅烧鹅,好吸引。睇下餐牌,有烧味抵食二人餐,可从烧味双拼或例牌烧鹅拣一样,再另拣一款小菜,两碗白饭仲有例汤添,价钱二百几蚊左右。我拣咗叉烧并烧肉,食烧肉最紧要就系脆卜卜嘅皮,正,烧肉亦见香口,咸味适中。叉烧咸甜比例好balance,而且半肥瘦啱啱好,送饭一流。例汤系红萝卜粉葛汤,而唔系一般嘅平庸味精汤,仲有入味汤料食添。乌头一向鱼肉鲜甜,又易入味,配以豉汁梅子煮法就最适合,不过今次乌头肉质唔算好嫩滑,一般啦,捞汁送饭都几好嘅。
张贴