千樂燒味餐室 (已結業)

手撕雞飯套餐 $78單點 $58因為我早餐食得太飽，所以我就無叫到套餐。其實套餐真係幾抵食，有湯，有蒜香青瓜，都食得幾滿足架。第一次食呢度嘅手撕雞，份量都幾多，而且有多芝麻。食落香口，雞都煮得嫩滑，配上胡蘿蔔絲，口感豐富。侍應仲好親切咁問我要唔要啲酸梅醬，我當然樂意啦。點上酸梅醬食，更惹味。因為返工係呢頭，附近都幾多燒味店，我幾乎都試過，但呢間就會經常幫襯，坐得舒服，燒味質素又保證，服務親切。最重要係呢度選擇多，套餐又有無味精湯飲，良心小店。