龍門一番川滬·紫砂燉湯 (已結業)

今次嚟沙田主要係同朋友聚一聚，成日食得Café多，今日轉下食上海菜。朋友熟沙田，所以跟住佢行就帶到我嚟餐廳喇。我地兩個都唔係好中意食主食，所以叫左好多小食，試多幾款ma！口水雞 ($78.00)口水雞唔錯，麻辣夠晒香口，好過癮。花膠螺頭干貝燉雲吞雞湯 ($78.00)燉湯好似係舖頭主打，所以叫來試下，二人份量都幾足料架。蝦子鍋塔豆腐 ($68.00)鍋塔豆腐基本上我去親食上海野都叫，外皮口感好特別，加埋個醬，外邊少少金黃，入邊豆腐滑。蟹粉小籠包 (4隻) ($58.00)小籠包一定要叫，不過就諗緊要松葉蟹肉蟹膏好定蟹粉好，因為之前聽話好似蟹肉蟹膏小籠包有半價，但係朋友最後都係揀左蟹粉小籠包。鑊仔生煎包 (4件) ($38.00)生煎包煎得燶燶地，岩我中意食香口野。豆沙鍋餅 ($42.00)指定甜品，豆沙多到爆晒出嚟。鮮果伯爵紅茶Fruit tea ($30)、黑糖珍珠鮮奶bubble milk ($32)食左咁多野，一定要飲返啲好野啦，竟然有黑糖珍珠飲，超重奶味。而鮮果伯爵紅茶就甜甜地，都幾多水果，好大杯。