影片
更多
2023-03-30
224 浏览
上星期去咗中环揾朋友Happy Hour，饮完后就系附近揾嘢食，见到呢间串烧店8点几都仲好多人，咁应该系好嘢黎，就决定同朋友去试吓，餐厅提供不同款式口味的串烧，有港式、日式、川式、泰式都有，口味选择多，而且价钱合理，怪不得平日都咁多人。🥢盐烧赤鸡颈肉 自从上次试过鸡颈肉后就成为推广大使，原来朋友都系未试过，咁梗系要试吓啦～ 今次呢间都好唔错，鸡肉嫩滑，油脂分布均匀，只要加少少盐去调味就已经好足够😋 🥢麻辣免治鸡肉软骨酿冬菇 呢个比较辣，免治鸡肉软骨有口感，配埋冬菇食好惹味😋 🥢盐烧和牛牛小排 牛小排有意外惊喜，因为原本只系谂住简单的牛肉咁，卖相也只是一般，但入口就是不同，肉质嫩滑香浓，油脂丰富😋🥢厚切盐烧牛舌腩 厚切软腍有口感， 啖啖肉好满足食牛舌既欲望。 🥢麻辣猪大肠 猪大肠肥瘦适中，我少食都可以接受，而且有少少辣，有减轻肥腻感，食多几旧都唔觉 🥢福冈味噌松阪猪 松阪猪，即猪颈肉，有油脂，也有脆感，配上有少少甜美的味噌，出奇地配合。 🥢盐烧豚肉荔枝卷、 豚肉豆苗卷 串烧好钟意点这个，荔枝清甜juicy，配著烧得微微焦香的豚肉。 豆苗卷异曲同工，只不过系包住翡
🥢盐烧赤鸡颈肉
自从上次试过鸡颈肉后就成为推广大使，原来朋友都系未试过，咁梗系要试吓啦～
今次呢间都好唔错，鸡肉嫩滑，油脂分布均匀，只要加少少盐去调味就已经好足够😋
🥢麻辣免治鸡肉软骨酿冬菇
呢个比较辣，免治鸡肉软骨有口感，配埋冬菇食好惹味😋
🥢盐烧和牛牛小排
牛小排有意外惊喜，因为原本只系谂住简单的牛肉咁，卖相也只是一般，但入口就是不同，肉质嫩滑香浓，油脂丰富😋
🥢厚切盐烧牛舌腩
厚切软腍有口感， 啖啖肉好满足食牛舌既欲望。
🥢麻辣猪大肠
猪大肠肥瘦适中，我少食都可以接受，而且有少少辣，有减轻肥腻感，食多几旧都唔觉
🥢福冈味噌松阪猪
松阪猪，即猪颈肉，有油脂，也有脆感，配上有少少甜美的味噌，出奇地配合。
🥢盐烧豚肉荔枝卷、 豚肉豆苗卷
串烧好钟意点这个，荔枝清甜juicy，配著烧得微微焦香的豚肉。 豆苗卷异曲同工，只不过系包住翡翠苗，第一次见，几清新。
🥢盐烧原块鸡皮
呢个系必点菜式，张开的鸡皮烧得薄脆，烧得干身唔肥腻，好似食紧猪肉纸咁，正！
🥢豚肉节瓜波板糖（附月见）
呢个系餐厅自己自创的，见到相觉得意所以特别叫黎试吓，真系好似一支波板糖咁，豚肉及节瓜片一起卷成圆饼，加上竹签真系好似一支波板糖咁，味道系猪肉味，唔留心其实唔觉有节瓜在中间，醮埋鸡蛋更加嫩滑
餐厅有时令海鲜，会有牌写住几多钱，可惜我地去到叫时已经售罄，咁唯有叫番D大路D 既, 但其实都好唔错~
🥢牛油蒜蓉烧虎虾
虎虾啖啖肉，爽口弹牙，充满蒜蓉香味，正~
🥢蒜蓉烧广岛蚝
广岛蚝烧得刚刚好，无over cooked，蚝肉仲系好嫩滑juicy 。
🥢烧茄子
茄子都几大条，铺上满满的蒜蓉，上到枱好香，啖啖茄子好
🥢蟹膏烧饭团
饭团超大，比平时一般日式串烧店的饭团大一个size，满满的蟹膏舖满饭团面，海苔独立包装另上，唔会因为放得耐而变淋， 饭团面烧得无脆，配埋鲜味蟹膏，食完好满足。
🥢黑糖烧菠萝
甜品点咗黑糖烧菠萝，面头甜甜地，配上微酸又多汁的菠萝，好味，完美的完结一餐
另外仲叫咗盐煮枝豆、汁烧免治鸡肉软骨棒（附月见） 、明太子鸡腿肉 。
饮品是啤酒，而家做紧买一送一，好抵❤️
另外，朋友点咗百香果梳打，酸酸甜甜好大杯，啱晒食串烧。
张贴
