影片
更多
2022-10-12
85 浏览
天氣開始涼涼地，最啱食熱辣辣雞煲！今日同朋友嚟到尖沙咀，經過呢間雞煲串燒店，決定都係試吓！👉🏼雞煲落到去先知，原來餐廳做緊活動，同枱每人消費過$150，就可以$1食招牌雞煲！二話不說，即刻落order! 上菜速度好快！雞煲夠哂熱，加埋大量芫茜，正！食落每舊雞都好嫩，一啲都唔老。個汁仲好入味，當然唔少得香料，例如花椒八角！份量亦唔少，夠哂我哋三個食！食完雞落埋湯就可以煮菜，夠哂味，正！👉🏼串燒類睇到餐牌咁多嘢揀，淨係睇都睇到我哋眼仔碌碌食指大動，最鍾意佢連蔬菜類都有十幾款可以揀，真係唔係間間串燒店都有。我哋就一於豬牛雞都唔放過，乜都點啲試下。每碟串燒上菜都係熱辣辣新鮮燒好，而且落足調味料，真係夠哂惹味，等一陣都值。特別推薦黑毛豬豚肉同埋五花腩，肉片夠晒薄身，所以燒出嚟好香口！當然不可不提餐廳特色推薦的鵝肝多士！一份有兩大塊厚鵝肝，而且燒過夠哂入味，就連無乜期待的多士都燒得夠脆，夾埋真係好好食！而廣島燒蠔雖然要等最耐時間，但不負所望，成隻手板咁大，食落鮮甜！讚！加埋叫2枝啤酒，真係熱氣都唔怕！
👉🏼雞煲
落到去先知，原來餐廳做緊活動，同枱每人消費過$150，就可以$1食招牌雞煲！二話不說，即刻落order!
上菜速度好快！雞煲夠哂熱，加埋大量芫茜，正！食落每舊雞都好嫩，一啲都唔老。個汁仲好入味，當然唔少得香料，例如花椒八角！份量亦唔少，夠哂我哋三個食！
食完雞落埋湯就可以煮菜，夠哂味，正！
👉🏼串燒類
睇到餐牌咁多嘢揀，淨係睇都睇到我哋眼仔碌碌食指大動，最鍾意佢連蔬菜類都有十幾款可以揀，真係唔係間間串燒店都有。
我哋就一於豬牛雞都唔放過，乜都點啲試下。每碟串燒上菜都係熱辣辣新鮮燒好，而且落足調味料，真係夠哂惹味，等一陣都值。
特別推薦黑毛豬豚肉同埋五花腩，肉片夠晒薄身，所以燒出嚟好香口！
當然不可不提餐廳特色推薦的鵝肝多士！一份有兩大塊厚鵝肝，而且燒過夠哂入味，就連無乜期待的多士都燒得夠脆，夾埋真係好好食！
而廣島燒蠔雖然要等最耐時間，但不負所望，成隻手板咁大，食落鮮甜！讚！
加埋叫2枝啤酒，真係熱氣都唔怕！
张贴
