個日入到青衣分店發現係日本菜，即刻再望下鋪頭名
勁驚自己去錯地方
店員好nice咁同我地解釋番係老闆最近將呢間轉型做日本菜
小店環境都幾舒服
座位都闊落
店員好nice，會留意你有咩需要，好主動加水收碟
唔係行行企企等收工個種～
亦有問我地對餐廳有咩意見
想了解客人諗法，再改善下岩岩轉型既餐廳
青森青提豚肉卷 $38
9分
好有驚喜！
冇諗過佢地會做到朋友！
本身偏多油份既豚肉包住青森青提去燒
青提好甜好多汁
中和左個油膩感
好味！
富士蘋果煙肉卷 $38
6分
我覺得佢地做唔到朋友
本身煙肉燒得好香好好味
但入面既富士蘋果酸酸地又粉粉地
有啲怪
厚切牛舌 $68
9分
燒得岩岩好，好香好好味
唔會過熟變韌，亦都唔會太生
個調味都做得岩岩好，唔會太咸
食到好香既牛味！
燒三文魚頭 $68
8分
呢個好抵食！
都幾多肉
燒得好香！
礼十二貫 $388
7.5分
賣相睇落好吸引
食落都新鮮
全部都正常發揮，冇伏！但都冇乜邊件有驚喜
個人認為呢個唔錯，但可能其他食物更值得一試
仲送左個雪糕俾我地
開心！
