富臨漁港 (已結業)

觀塘區係我長大嘅地方，觀塘廣場都係以前美食嘅集中地。今次就帶咗屋企人嚟到觀塘廣場樓上嘅富臨漁港食晚飯。其實呢間富臨漁港我都嚟過好多次，但之前都係飲早茶為主，晚餐都係第一次食。見到餐牌上面，唔同菜式價錢都不算太貴，我哋就叫咗一碟豉汁蒸白線、炒通菜、麻婆豆腐，同埋每人叫一隻鮑魚。食物質素味道都非常唔錯，同埋上菜都非常之快，侍應嘅服務態度都非常之殷勤，不時過來同我們傾計，見到佢哋同班顧客關係都非常融洽，感覺上好有人情味。最後買單大概六百幾蚊，價格都算公道，有機會會再嚟食。