上海美味一品香菜館

营业中

休息中

上網才知道有這間小店，之前經過但唔覺眼。看到食評，所以預早18:00晚巿開始前到達，已有2-3組人在等候，幸好有預早來，可以第一輪進入餐廳內。餐廳坐位不多，亦沒有安排搭枱，可以坐卡位。店內裝潢懷舊，1982年開業至今。 門口張貼小籠包已經沽清。本來都諗住食，有些可惜，但第一次來，可以先試下其他食物先。 上海粗炒兒時熟悉嘅味道，多菜健康不油膩。 炒鱔糊客飯 + 例湯價錢不貴，而且鱔份量亦不少，大量芽菜，鱔無泥味亦唔腥，可以轉配菜飯，性價比高。明白例湯為何推介，例湯是青紅蘿蔔清甜，湯有肉的味道。 煎鮮肉鍋貼即叫即煎，皮脆香口，略嫌肉汁較少。 脆皮春卷有菜在內，外皮金黃香脆。 豆沙鍋餅除咗面層脆，中層好似PANCAKE皮咁少少彈牙，豆沙味道適中唔太甜。 女店員有禮，食客食到咁上下主動加水，甜品豆沙鍋餅亦叫上時就上。 最欣賞所有食物都是即叫即煮，即炒、即煎、即炸，全部都熱辣辣。 價錢唔貴，270元2位晚餐食到飽。