再臨閣 (已結業)

已經幫襯呢間餐廳嘅自助餐足足超過十年喇，連部份侍應都好似朋友一樣咁！隨著年月同食物價格上漲，自助餐嘅食品種類亦有不少改變～最初呢度吸引我同屋企人成日嚟嘅係佢哋嘅“凍海花🦀”，由於海花🦀價格不斷上升，最後就換咗澳洲麵包🦀，雖然有點失望，但佢哋點都維持住有“燒牛肉”，總算有一款令我仍然喜歡嘅食物係度，“燒牛肉”肉質鮮嫩多汁，我每次都要食2件至滿足👍🏼👍🏼👍🏼。其他冷盤、熱葷、生果、甜品尚算可以，不過雪糕方面就值得一讚，因為係供應MOVENPICK嘅獨立杯雪糕，而且有三款口味選擇，我就最鍾意“瑞士朱古力”味，朱古力雪糕入面充滿朱古力碎，真係‘正’呀⋯⋯👍🏼😋😋