添樂園 (已結業)

灣仔果邊爆緊大鑊，原本約了在老上海食飯也得取消，同太座兩個遊了過九龍城。天氣涼涼地，當然食個煲仔飯都夠正路，就來了這裡。可能天氣涼多人吃煲仔飯，同埋話晒呢度都幾出名，所以都有三幾個人在排隊。等不到卡位，就在中間的大圓檯搭檯坐低。呢度好多野食，除了煲仔飯及小菜，還有各式小炒及茶餐廳食物，連潮式及葡式食物都有，一網打盡。諗都唔使諗，就叫了個臘味煲仔飯，太座則要了臘腸排骨飯，另外再加碟金銀蛋浸莧菜。好快有得食，一上檯已知必定是煤氣爐煲仔飯，因為無咩香味。醬油黑黑的偏杰身，完全沒有甜味，合個人口味，吃煲仔飯就最怕「甜椰椰」的醬油。下一黠醬油再下蓋焗一焗就可以吃，臘味只有臘腸、潤腸及臘肉，個人而言，當然喜歡臘肉多一點。這裡的臘肉，肥的部份甘香脆口，廋的部份又不過鹹過韌，幾有水準，至少不大吃臘肉的太座也在爭吃。臘腸較廋較硬，不合個人心水，但卻合太座口味。潤腸就又肥又夠味，下次再來叫臘肉潤腸就可以了。飯雖然有飯焦，但不夠透亦不夠香，日前在蛇王燊那煲還更有水準。飯的份量非常的足夠，兩個人吃來吃去也吃剩四分一。加埋碟菜，埋單一百零幾蚊，都叫幾經濟抵食。專誠來吃是不必，但這區來說，是不錯。題外話：同檯搭檯