棋子燒鵝 (金馬倫道)

营业中

休息中

早前買到演唱會飛，見放工未夠鐘開場就搵間餐廳食個快飯🍽️。行下行下見到間燒味幾吸引入去坐低咗😍。呢間出名燒鵝無理由唔叫，叉燒瀨必須要有，整多份雙拼就岩岩好👍棋子燒鵝🦢坊間燒鵝大多都係自家醃料醃完之後入爐燒，但呢間除咗醃料味重有煙熏味🔥。個煙熏味唔係好濃會搶晒啲味，而係同個醃料味好夾，食落去香味濃郁，肉質夠林，吞左之後個香味繼續停留係口入邊😋，不愧係呢間餐廳既皇牌🏆棋子叉燒🍖叉燒半肥瘦，有小小焦黑邊食落去幾香口，唔係硬有小小林身易咬，老人家或小朋友都岩食👶🧓脆皮燒腩仔🥓皮脆肉嫩，絕對稱得上脆皮燒腩仔，味道唔咸配埋個黃芥末醬味道更上一層🌟，肉質林林地但唔係梅😋桶子豉油雞🍗豉油雞無血水血色食落夠嫩，浸既時間夠，岩岩好熟晒唔韌又入味，唔會過咸👌