煌府將軍薈 (已結業)

平时去开将军澳煌府饮茶，去食晚饭都系第一次。中意黎煌府，系因为新装修好靓好大，而且价钱相宜。煌府专做婚宴，地方大又濶落，场内一棵樱花树，意头十足！晚餐套餐选择非常多，中意海鲜既朋友更加大把选择！今晚蓝妹啤酒仲有推广价，当然要饮杯啦！由于今晚四个大人，费时谂食咩，就直接叫海鲜燕窝餐，四人份量加价钱相宜。虽然系推广套餐，但系用料十足，绝无将货就价。先上阵既竹笙海皇会燕窝，已经令在场既女仕兴奋。。。燕窝养颜嘛！上汤焗大虾球伴伊面以大虾球代替龙虾，好处就系啖啖肉加食得方便，唔洗用手去骨甘论尽，而且大虾相当大只，炸得脆脆，正！清蒸沙巴珍珠龙趸呢条珍珠龙趸都好够份量，四个人食啱晒。 黄金脆皮走地鸡半只脆皮鸡食得多，用走地鸡既餐厅唔多，煌府对材料既选择，好有心机。浓汤海味杂菜煲系自选菜式，我见个套餐无咩菜类，就选择左浓汤海味杂菜煲。意外惊喜除左杂菜多，个汤真系好好饮，可以当海味杂菜汤饮呢！特色岭南甜点系桂花糕。我地另外叫左招牌生磨合桃露。热乎乎又香喷喷既合桃露，做饭很甜品，真系大满足。煌府无论饮茶定晚饭，都系不错既选择。