影片
更多
2019-02-21
86 浏览
同朋友心血來潮想試下食素，所以就上網搵到呢間。成間舖都以紫色同雲石做主調，係會有種Grand嘅感覺，但係我略嫌佢紫左少少，可能因為我本人唔係太鍾意紫色。鍾意紫色嘅人應該少女心爆發。食物方面，我地兩個女仔其實都嗌咗幾多嘢食，可能因為我哋兩個都係大食底😂😂我哋叫咗一個lunch set再散叫咗一個菜同麵。Lunch set包左一份前菜、一碗湯。(左下 : 芝麻蜜汁薯仔蓮藕 / 右上 : 天山雪蓮椰子花生雪耳湯)我自己因為唔係幾鍾意飲中湯所以我就讓左比個friend飲。但係個前菜我就覺得幾唔錯，蓮藕炸得幾香脆配埋啲酸酸甜甜嘅汁好開胃！主菜就揀左點心拼盤配鮮茄雜菌紫淮山麵。點心都做得唔錯，味道同出面酒樓嘅有得揮，同埋完全唔會覺得佢係素食，即使係冇食開素嘅朋友都會啱食。個面我就覺得一般，蕃茄味唔夠突出。我哋散叫咗一個素馬拉盞炒通菜，雖然同一般泰式餐廳食嘅馬拉盞通菜唔同味，但呢個相對平時嗰啲冇咁鹹，而味道都好好，都夠惹味！真心推介！麵食我哋嗌多咗個泰式炒金邊粉，個份炒得夠乾身，亦夠入味。不過入邊有蛋同花生，如果對呢兩樣野有敏感或者完全唔識蛋嘅素食者可以要求走咗佢。個粉我哋叫咗小辣，識落有少少酸酸地
鍾意紫色嘅人應該少女心爆發。食物方面，我地兩個女仔其實都嗌咗幾多嘢食，可能因為我哋兩個都係大食底😂😂我哋叫咗一個lunch set再散叫咗一個菜同麵。
Lunch set包左一份前菜、一碗湯。(左下 : 芝麻蜜汁薯仔蓮藕 / 右上 : 天山雪蓮椰子花生雪耳湯)我自己因為唔係幾鍾意飲中湯所以我就讓左比個friend飲。但係個前菜我就覺得幾唔錯，蓮藕炸得幾香脆配埋啲酸酸甜甜嘅汁好開胃！
主菜就揀左點心拼盤配鮮茄雜菌紫淮山麵。點心都做得唔錯，味道同出面酒樓嘅有得揮，同埋完全唔會覺得佢係素食，即使係冇食開素嘅朋友都會啱食。個面我就覺得一般，蕃茄味唔夠突出。
我哋散叫咗一個素馬拉盞炒通菜，雖然同一般泰式餐廳食嘅馬拉盞通菜唔同味，但呢個相對平時嗰啲冇咁鹹，而味道都好好，都夠惹味！真心推介！
麵食我哋嗌多咗個泰式炒金邊粉，個份炒得夠乾身，亦夠入味。不過入邊有蛋同花生，如果對呢兩樣野有敏感或者完全唔識蛋嘅素食者可以要求走咗佢。個粉我哋叫咗小辣，識落有少少酸酸地辣辣地咁都好開胃好好食。呢個都十分推介大家嗌！
整體來講呢間素食啲嘢都好有水準，以一個平時冇食開素嘅人黎講係會對素食有改觀到，以前會以為素食啲嘢都係淡茂茂。所以如果想開始或者想試吓食素嘅人都可以試吓呢間。
P.S. 本人始終冇食開素嘅習慣，可能同一般素食者嘅口味唔同，但個人認為值得一試。
张贴
