影片
更多
2017-06-13
7811 浏览
喂喂喂，唔好一见到我个topic就无晒兴趣先，就算无雪糕都有其他好多野食值得介绍架吗！﹝其实无雪糕我都几失望﹞自从搬左开返之后都系第一次去，个食物场好似靓左又大左，厨房又专业左。但系攞串烧个位排队位置就麻麻地，因为d人打横排会阻住其他人攞糖水，希望可以间好d排队个位。有一个区域好似青bb，我以为全部都系素食，点知原来唔系架-有菜心炒肉片架，所以素食者要小心d。但亦都有斋卤味、豆腐、沙律等等适合素食者既食物，don’t worry😉!今次要排队攞既车轮芝士意大利粉都几好味。虽然有好多人受唔住黑松露酱只味，但呢度都算落得好足料，而且个面条粗身好有口感。煮面师傅仲好好礼貌，排队全程同我有倾有讲。如果唔食肉既朋友仔可以叫师傅走蟹籽。美中不足系芝士味好似俾黑松露抢左，唔系太够浓郁。另一个区就叫做「部队锅区」，既潮又贴新韩风，店主都好识做生意。事关部队锅材料都系以加工食物为主，相信都比鲜食平好多。此外，相信以加工食物保存期都会比新鲜食物长，咁就既时兴又可以节省成本。之后想同大家介绍一样台湾街头成日有既小食-炸oreo，次次去到台湾都无食，第一次食反而在这里。我食果阵已经唔系新鲜炸起啦，但依然好好食
喂喂喂，唔好一见到我个topic就无晒兴趣先，就算无雪糕都有其他好多野食值得介绍架吗！﹝其实无雪糕我都几失望﹞
自从搬左开返之后都系第一次去，个食物场好似靓左又大左，厨房又专业左。但系攞串烧个位排队位置就麻麻地，因为d人打横排会阻住其他人攞糖水，希望可以间好d排队个位。
有一个区域好似青bb，我以为全部都系素食，点知原来唔系架-有菜心炒肉片架，所以素食者要小心d。但亦都有斋卤味、豆腐、沙律等等适合素食者既食物，don’t worry😉!
今次要排队攞既车轮芝士意大利粉都几好味。虽然有好多人受唔住黑松露酱只味，但呢度都算落得好足料，而且个面条粗身好有口感。煮面师傅仲好好礼貌，排队全程同我有倾有讲。如果唔食肉既朋友仔可以叫师傅走蟹籽。美中不足系芝士味好似俾黑松露抢左，唔系太够浓郁。
另一个区就叫做「部队锅区」，既潮又贴新韩风，店主都好识做生意。事关部队锅材料都系以加工食物为主，相信都比鲜食平好多。此外，相信以加工食物保存期都会比新鲜食物长，咁就既时兴又可以节省成本。
之后想同大家介绍一样台湾街头成日有既小食-炸oreo，次次去到台湾都无食，第一次食反而在这里。我食果阵已经唔系新鲜炸起啦，但依然好好食。点好食法呢？首先系个面无咩出油，无油益味。其次系粉浆够薄，唔会咬极都咬唔到块饼。Oreo经过油炸之后质感变得无咁硬，入口后出奇地松化，而且炸完唔系油腻、而伙令块饼无咁甜同多一份甘香。
除左放甜品柜既甜品之外，现场每逢特定时间都有限量既甜品供应。我记得我留意到第一次系芝士挞，职员话要早15分钟去排、我死唔信邪，就咁早5分钟落去就算。结果…梗系无得食啦。之后果次轮心太软我就醒啦，真系早15分钟去到，但都已经系截龙前最后果几个人啦。原来每次只系得12个甜品左右，真系「手快有手慢无呀」。同埋只有食心太软果阵先会伴一小球雪糕俾你，自助餐、唔食过雪糕真系会唔甘心啰。
不过心谂其实好多人食放题、自助餐都一定要有雪糕，就算唔系靓牌子都要食。就算无雪糕都整返几枝雪条啦系味先？希望下次去果阡会梦想成真啦！
炸oreo
68 浏览
0 赞好
0 留言
张贴
