影片
更多
2022-09-21
9615 浏览
见到啲度有好多劣评，其实又唔系真系咁差啫😅今次我哋weekday试左佢嘅夜晚buffet，6点入座，食到9:30。全场大概6-7成满，又唔算好多人，食物refill都快。我系冲著佢嘅生蚝同面包蟹而来的，而啲两样都令我非常满意。其次系佢嘅鸭肝都好好食。至于其他野都系一般般，整体而言未至于要劣评。法国生蚝👍🏻👍🏻👍🏻👍🏻👍🏻啲豪虽然唔系好大只，但系佢够鲜甜，而且啲肉都爽脆。最重要一点，系佢无限量供应，亦都冇限制每人每次拎几多只。我每次都一次过拎10只，如果冇晒佢就会立即响厨房refill出嚟。前后我拎左三次，即系食咗30只，其实都回左一大本啦。面包蟹👍🏻👍🏻👍🏻👍🏻👍🏻啲面包蟹都算大只，最正嘅地方系佢只只都爆膏，啲膏劲鲜甜，而且最难得嘅地方系面包蟹嘅蟹肉竟然系会有蟹味。可能你会话蟹当然有蟹味啦，但事实并非如此，因为绝大部份酒店buffet供应嘅面包蟹，啲蟹肉都只系得雪藏味，系完全冇味你根本唔会想食，而今次嘅面包蟹完全冇雪味的，而且仲鲜甜添。我前后食咗一只半。亦都有版友话啲面包蟹出咗半个钟就唔再Refill，好在今晚冇呢个情况，我去到9:00都仲见到有面包蟹供应，基本上佢一冇晒就会refil
今次我哋weekday试左佢嘅夜晚buffet，6点入座，食到9:30。全场大概6-7成满，又唔算好多人，食物refill都快。
我系冲著佢嘅生蚝同面包蟹而来的，而啲两样都令我非常满意。其次系佢嘅鸭肝都好好食。至于其他野都系一般般，整体而言未至于要劣评。
法国生蚝👍🏻👍🏻👍🏻👍🏻👍🏻
啲豪虽然唔系好大只，但系佢够鲜甜，而且啲肉都爽脆。最重要一点，系佢无限量供应，亦都冇限制每人每次拎几多只。我每次都一次过拎10只，如果冇晒佢就会立即响厨房refill出嚟。前后我拎左三次，即系食咗30只，其实都回左一大本啦。
法国生蚝
305 浏览
0 赞好
0 留言
法国生蚝
280 浏览
0 赞好
0 留言
面包蟹👍🏻👍🏻👍🏻👍🏻👍🏻
啲面包蟹都算大只，最正嘅地方系佢只只都爆膏，啲膏劲鲜甜，而且最难得嘅地方系面包蟹嘅蟹肉竟然系会有蟹味。可能你会话蟹当然有蟹味啦，但事实并非如此，因为绝大部份酒店buffet供应嘅面包蟹，啲蟹肉都只系得雪藏味，系完全冇味你根本唔会想食，而今次嘅面包蟹完全冇雪味的，而且仲鲜甜添。我前后食咗一只半。亦都有版友话啲面包蟹出咗半个钟就唔再Refill，好在今晚冇呢个情况，我去到9:00都仲见到有面包蟹供应，基本上佢一冇晒就会refill，呢样系抵赞嘅
爆膏面包蟹
297 浏览
0 赞好
0 留言
其实佢仲有好多其他海鲜，包括东风螺、翡翠螺、虾、扇贝、小龙虾、蚬、青口等等。我挂住食生蚝同面包蟹其他𠮶啲都冇乜机会试😅
海鲜
413 浏览
1 赞好
0 留言
佢嘅热荤都唔算少，味道就中规中矩。有样奇怪嘅地方系佢会将啲海鲜变做热荤然后又变多个菜，例如炒蟹佢会用面包蟹嚟炒，清酒煮蚬佢用番海鲜𠮶啲蚬同青口，豉油皇煎虾佢又用冷盘𠮶啲虾，仲有焗蚝都系用返𠮶啲法国生蚝，就变得太细只了。
热荤
255 浏览
0 赞好
0 留言
和牛扒
240 浏览
0 赞好
0 留言
日式区佢系比较冇睇头，鱼生种类少，寿司款式都好少，有个即叫即做嘅天妇罗，不过味道就一般，仲有冷面都系一般。我连影都冇影😅😅
芝士同cold cut 都有唔少选择，佢有一大张长枱全部用嚟放芝士同cold cut
coldcut 同芝士
202 浏览
0 赞好
0 留言
冷盘方面我就冇乜点试，都系一般般唔系咁吸引。
冷盘
172 浏览
0 赞好
0 留言
沙律
157 浏览
0 赞好
0 留言
生果
149 浏览
0 赞好
0 留言
甜品方面都系冇乜特别，中规中矩咁啦。
总括而言，如果你钟意食生蚝同面包蟹，你会觉得值，如果呢两样嘢或冷盘海鲜都唔系你嘅心头好，而其他嘢都系一般水平就好似唔系咁抵了。
食物：❇️❇️❇️❇️
环境：❇️❇️❇️❇️❇️
服务：❇️❇️❇️❇️❇️
价钱：❇️❇️❇️
翻兜指数：❇️❇️❇️
张贴
