無邊 (已結業)

去開銅鑼灣又想食All Day Breakfast，好友提議試吓呢間No Boundary，位於希雲街，店面好易認，裝潢型格有心思，特別一讚外籍員工笑容滿面，超NICE～店員推薦SET DINNER FOR 2，包餐湯、飲品，價錢都幾抵！No Boundary Deluxe至尊-無邊全天早餐六角形碟夠哂特別～配料豐富好吸晴！有齊挪威煙三文魚、德國煙燻香腸、牛乳炒蛋、楓糖煙肉、波特菇、茄汁焗豆、蕃茄、牛油粟米、小牛角包，伴碟仲有爽脆沙律菜，兩個人SHARE份量岩岩好！個人最鍾意牛乳炒蛋，滑溜得黎仲好有蛋香，另外挪威煙三文魚入口濃郁甘香，都好唔錯！No boundary Thick Toast超厚多士面頭鋪滿鹹牛肉、野菌、拉絲芝士，仲有隻好可愛既流心蛋黃，層次感十足，香濃又惹味！Soup of today是日精選濃係粟米湯，飲落有粒粒粟米，味道香甜。Fruit Tea甜甜地，好解渴。Green Apple Lemonade青蘋果味好清香，帶點微酸，夠哂開胃。Chicken Wings三款唔同口味既雞翼即叫即炸，外脆內嫩熱辣辣好JUICY！Mushroom Skewers炸杏鮑菇份量十足，肉