嚐味喇沙 (已結業)

其實原本唔係想食佢，但由於迷失新都城又太餓既關係...見到佢話無激素雞就入左黎。先上凍檸蜜，落左唔少蜜糖，雖然蜜糖唔會靚蜜，但見佢有四塊檸檬仲要唔薄，估計都有成半個檸檬，均真搭救到蜜糖不足🤣海南雞都要等一等先會上，大概都要十分鐘。雞算ok，都ok滑，但稍嫌少，而我有一塊係雞屁🤦🏽‍♀️更少。海南雞有三款醬，中間果個唔錯，另外兩個一般。油飯普通，唔算特別香口但配雞真係唔錯。Btw，侍應好好，隔離枱婆婆想要紙巾，侍應非常友善話：我成盒俾你用住先，唔夠同我講！又會同婆婆傾下閒計，推介下食物，唔會唔耐煩，俾十個好！總結而言，算ok既海南雞飯，無話特別想再食又唔會話唔想再食，不過見到佢既常餐好吸引🤣下次再食應該會想試下。