影片
更多
2013-08-30
82 浏览
是咁的，昨日同朋友去食飯，飯後打算去食個甜品的，於是我地由合益街市出發，途徑鳳翔路時，發現一架紅色小巴，小巴車身張貼住“甜品工房”o既廣告，其實個廣告一點兒也不吸引，但唯一吸引我眼睛的竟然是…“上海”，“廣州”都有分店！？係呀無錯呀，大陸都有兩間呀，心諗呢間野應該食得過啦，我同朋友討論左一陣，最後就決定去試下。我地去到“甜品工房”既門口，睇見佢個得獎甜品“紫葡之戀”，好似得得哋咁，就決定入去品嘗一下。當我地入到去坐左一陣，第一時間發現佢張枱極其污糟，又冇人執枱，我果一刻我覺得自己至身於呢個小巴站大排檔，…sorry我咁講有點侮辱大排檔，大排檔雖然無冷氣，但起碼客人一走就第一時間清潔，而呢度…我唔覺得佢有咁做囉…，ok,枱唔乾淨，呢個都可以忍，但坐低左成5分鐘都冇人比本menu我地o既？當時唔係好多人，極其量得3枱客,點解？唔通我透明？最離奇係我身後同兩邊既客，仲要遲入黎，但點解佢地有menu既？我果一刻我相信自己同我朋友真係變左透明人…最後我忍唔住出聲叫人攞份menu黎睇下啦，果一刻個侍應終於知道有我既存在啦，當時我終於覺得我係仲生存係呢個地球上，我係仲未死的，感恩……（ps:我唔係教
我地去到“甜品工房”既門口，睇見佢個得獎甜品“紫葡之戀”，好似得得哋咁，就決定入去品嘗一下。
當我地入到去坐左一陣，第一時間發現佢張枱極其污糟，又冇人執枱，我果一刻我覺得自己至身於呢個小巴站大排檔，…sorry我咁講有點侮辱大排檔，大排檔雖然無冷氣，但起碼客人一走就第一時間清潔，而呢度…我唔覺得佢有咁做囉…，ok,枱唔乾淨，呢個都可以忍，但坐低左成5分鐘都冇人比本menu我地o既？當時唔係好多人，極其量得3枱客,點解？唔通我透明？
最離奇係我身後同兩邊既客，仲要遲入黎，但點解佢地有menu既？我果一刻我相信自己同我朋友真係變左透明人…最後我忍唔住出聲叫人攞份menu黎睇下啦，果一刻個侍應終於知道有我既存在啦，當時我終於覺得我係仲生存係呢個地球上，我係仲未死的，感恩……（ps:我唔係教友，但果一刻我真係好感恩），份menu到手，我睇左陣，其實個menu入面的確係有好多甜品賣相係好吸引，我好多都想試下，但係因為之前晚飯食得太飽，所以只係要份“紫葡之戀”兩個人share食。正當我想點菜既時候，我又唔小心透左明…………………………………，隨後有侍應啦，我叫佢啦，我：唔該，幫我寫一寫野。 侍應：好！等一陣。（話口未完佢竟然係去左啱啱步入呢間甜品店既客人落order…)喂喂喂…係咪次序上有d問題呀？？我叫你先係咪幫我先既呢？原來係我個時間觀錯左，呢間甜品店係無先到先得既……我呢刻真係想講“師傅·明白了”……，我唯有等我隔離呢個貴賓落完單先再落啦，說時遲那時快，貴賓落完order,我以超光速既速度攔截住個侍應，幫我呢個草民落單，我以為終於可以試下個金獎甜品啦，點知我一等再等（我兩邊既客人一個二個遲黎先上岸）都未見我個金獎甜品…難道金獎真係咁難整？但實在耐得有點過分，於是我鼓起勇氣問下點解咁耐既，精明既讚者應該知咩事……答案好明顯，“漏單”……，讀者睇到呢度，我估有好多都跳過左無睇，甚至已經無繼續睇…ok,冇問題，咁我入正題啦。
終於整好送到我面前啦，等左九年終於可以試下呢個要人等咁耐既甜品…
賣相，都係刨冰加果汁加生果加雪米滋同埋一粒粒果凍，其實都係好普通…冇咩特別，可能因為我對金獎呢兩個字，所以我對佢既要求高d
食入口感覺，都係刨冰咁（先生：呢個唔係刨冰唔通係布甸黎咩）-.-“，配料少而且d果汁又唔均勻，總括黎講，呢個咁既金獎（佢叫紫葡之戀）
，我試完一次之後都唔會再食，再加上一路食，
間舖既室溫越黎越低，冷氣越黎越凍，再加上食完個冰凍既刨冰，身體差d都頂唔住…又令我聯想到星爺套“食神”，點解，呢度我唔講啦，想知就上YouTube睇番啦。
總結我對甜品工房好失望，
第一，員工不夠主動，服務態度差，由其係我埋單果陣，個staff個樣好似想話比我知，我係佢殺父仇人咁。
第二， 甜品屋，種類唔齊，menu有既野，你都未必食到，因為我見隔離位佢點雪糕，冇雪糕，點乳酪，冇乳酪…結果隔離個客好失望咁離開。
第三， 食物質素差，食完返屋企，我同我朋友都分別肚痾… 仲先後痾左幾次…差d以為自己食物中毒…都唔知係咪d冰唔乾淨添……
第四，其實我地入去果時，呢間野都冇乜客，到我坐低一陣，突然間爆埸，心諗唔通呢間真係咁好食？但到我食完，出去散步果陣，見到元朗另一間人氣甜品店大排長龍，呢一刻師傅我又明白了，點解之前果間突然咁多人啦，係因為後者人氣甜品店（有泥食果間呢）太多人，所以d人先去“甜品工房”食甜品…
题外话/补充资料：
入去無人招呼,冷氣太大,趕客
(以上食记乃用户个人意见 , 并不代表OpenRice之观点。)
张贴
