海南少爺 (已結業)

📍海南少爺喺餐廳出面行過，比最入面座位嘅景色吸引住，係一片無敵嘅大海景，既然都到咗晚飯時間，咁就食呢間餐廳啦～👅招牌海南雞飯拼海鮮喇沙 $138本來已經心大心細諗緊要海南雞飯定係海鮮喇沙，點知再揭餐牌就見到呢個雙拼，一次過滿足晒兩個願望🤣海南雞飯雞件都多，上面有炸蒜，海南雞飯嘅醬汁正常發揮～油飯幾好，粒粒分明有油香，唔會淨係得顏色。海鮮喇沙比想像中有更加多辣嘅感覺，椰汁味都好重，入面仲有魚片，豆卜同蛋，呢一個真係夠哂飽。👅海南椰子雞湯 $128呢個好出色，雞湯好鮮甜，呢幾日凍咸，飲返一碗真係暖哂🤤餐廳會有個爐仔一路熱住個湯，夠哂誠意。份量足夠2-3人。👅印度手拍酥餅配咖喱汁 $62呢一個純粹口痕見到突然間想食，點知又真係幾出色，估唔到酥餅咁大塊，咖喱汁甜中帶辣，建議3-4人share😬👅忌廉咖啡骨 $158呢一個都幾特別，齋啡愛好者可以試吓，咖啡酸酸地，配埋忌廉都幾夾，如果平時冇飲開咖啡嘅話，可能會覺得味道好重。