無敵家

营业中

休息中

星期六同老公去上環無敵家食晚餐。明太子玉子燒玉子燒加埋明太子好食左好多，味道層次豐富左，玉子又夠嫩滑，好正。吉列忌廉蟹肉薯蓉餅入面包住軟綿綿既薯蓉，外皮炸得香脆。安格斯頂級牛小排叫左五成熟，食得出係靚牛，有牛味，又唔韌唔鞋，幾嫩口。串燒飯糰揀左味噌味，燒到外面脆卜卜，入面依然係飯既口感，味噌同飯都幾夾，令白飯無甘寡。胡麻雞絲冷麵天氣熱想食啲凍野，材料好豐富，撈埋胡麻醬一齊食，好惹味。蕎麥冷麵呢個更加透心涼，簡簡單單就已經好好食。