Bistro Hoi An

营业中

休息中

星期日放假，去咗屯門黃金海岸行完海豚廣場及商場後，就決定約屋企係Bistro Hoi An食越南菜，因為無論室外或室內都有大枱，而且餐廳天花掛住嘅燈籠都幾靚，環境及氣氛都唔錯。我哋6個人，叫咗個河內牛肉湯河（$95），炭燒豬腩串燒4串（$135），炭燒雞肉串燒（$105），炸軟殼蟹芒果米紙卷（$118），越式豬肉三文治（$128），蝦米炒通菜（$85），牛油雞翼（$88），鮮蝦牛油果米紙卷（$98），燒茄子牛油果豆腐卜撈檬（$108），以上樣樣都好食。至於嘢飲，我哋只有一位飲啤酒，其他都係飲餐廳嘅水，因為水裏面有浸咗幾塊青瓜青檸，飲落好清香。總結：食物水準高，職員嘅服務態度都唔錯，特別係一位識講廣東話嘅男職員，每次上菜時都好有禮貌及好好笑容，而且仲識得講下笑，真係令到食客都食得好開心，上菜亦上得快，最後大家都覺得無揀錯餐廳!