正宗上海生煎皇 (已結業) 查看

入黎大埔探朋友，试左一家全打生煎包的小店。个名好熟，原来之前喺深水埗已经食过，由一家分店开到依家大埔都有，质素应该有番咁上下保证。黎到生煎王，点都要试下出名的生煎包，有两件和四件选择，一客四件唔使争。生煎包即叫即煎！个皮煎得好香，芝麻香口，而整体来讲皮香肉多汁。一咬开可以饮到汤汁，味鲜有惊喜！而且旧肉大小中等，加上少少豆瓣酱好惹味！果然系镇店之宝，无介绍错！蟹粉小笼汤包试左个比较特别嘅小笼包。一客两件，点左两客。入边有好香嘅蟹粉味，一咬开汤汁一涌而上！真心好食！而且欣赏个皮做得好薄，有出面某台湾品牌的质素。上海菜肉云吞个汤系好似加入左咸肉入去煲，所以大家都话正，饮左几碗！而菜肉云呑清清地，加埋个汤好暖胃！不过相比起生煎饱就无乜特别麻酱三丝拌面惊唔够饱叫多一个凉面。三丝有火腿 青瓜 鸡丝，加埋大量麻酱湿湿地好好开胃。凉拌面好爽口，而且够哂冻，味道一流。而且份量都好够多，三个人食刚刚好！上海生煎王确系不错！如果想经济点食餐好，都系一个好选择！除左生煎饱，仲有不少菜饭汤面选择，不过计我话最紧要系两位朋友都赞好！同朋友倾下计，咁又过左一个休闲的周末！大埔人切勿错过！