延

营业中

休息中

由佢開張無耐今次已經係我同朋友/屋企人第N 次去 Nobe 食午餐，同好多人一樣開始我都係食鐵板燒先，由今年夏天由我第一次試佢個師傅發板壽司午餐set 我而家反而多咗食師傅發板刺身壽司套餐，原因係佢哋對於食材的執着同一絲不苟，唔會好似外邊咁師傅發板午餐只會比你食啲隔夜貨，壽司吧主管迪師傅一直堅持只用最時令同最新鮮貨去招乎顧客所以次次上去都會好有驚喜，令外佢同其他同事都會好詳細咁去解釋每道刺身壽司每樣海鮮食材特點來源地方/出產地，基本上每一次去都有上緊海洋生物學課堂的感覺，尋日同屋企人（其中有三個第一次去），由 12:30pm 食到3:00pm 個個食完都大滿足，所以小弟雖然好少寫食評都忍唔住一定要推介比大家去試吓佢哋個壽司吧的出品😊🙏🏻