影片
更多
2019-10-25
879 浏览
如果每日只可以食一餐，應該都係日式，日式日式 ....日本嘢感覺口味清淡少少，無咁肥膩，食落自我感覺良好而家夜晚要搵食都唔容易，隨時返唔到屋企。見難得出省做嘢，就一於食個飯先返鄉下！去到尖咀口福街附近就好掛住呢間嘅拖羅...平時排長龍，心諗，呢排個市咁靜應該唔洗等位掛....原來我錯喇...無嘢阻止到香港人開飯！！！等咗大約十零分鐘，相比以前都叫快咗...引到咗最難決定嘅時候，見有灸燒比目魚(左口魚) + 拖羅定食，一於就咁啦！款式唔洗多，最緊要好食今次食個中拖，成為$178。大拖一件兩件就好，太多我就覺too much喇...本身左口魚燒起都有油脂同香味，如果大拖，兩者都好油，我就麻麻地。中拖剛好，唔會太油，又入口即熔！ 定食都係果啲，有湯有蛋咁。我就無加$10轉蜆湯....中拖的確無失望，新鮮，魚油味香。未至於大拖入口即化，有少少咬吓咁。左口魚都唔錯，未算食過最好食，但都有燒香嘅魚油味。成餐飯都好滿足而家出去食個好少少，一件大拖 shushi都要$68+ 中拖要$45-58+ ，感覺嚟食飯有成5,6件，都係$178, 感覺好好！雖然社會氣氛好多負能量，但仍然無阻搵食。食到好嘢心情
而家夜晚要搵食都唔容易，隨時返唔到屋企。見難得出省做嘢，就一於食個飯先返鄉下！去到尖咀口福街附近就好掛住呢間嘅拖羅...平時排長龍，心諗，呢排個市咁靜應該唔洗等位掛....
原來我錯喇...無嘢阻止到香港人開飯！！！
等咗大約十零分鐘，相比以前都叫快咗...
引到咗最難決定嘅時候，見有灸燒比目魚(左口魚) + 拖羅定食，一於就咁啦！款式唔洗多，最緊要好食
今次食個中拖，成為$178。大拖一件兩件就好，太多我就覺too much喇...本身左口魚燒起都有油脂同香味，如果大拖，兩者都好油，我就麻麻地。中拖剛好，唔會太油，又入口即熔！ 定食都係果啲，有湯有蛋咁。我就無加$10轉蜆湯....
中拖的確無失望，新鮮，魚油味香。未至於大拖入口即化，有少少咬吓咁。左口魚都唔錯，未算食過最好食，但都有燒香嘅魚油味。
成餐飯都好滿足
而家出去食個好少少，一件大拖 shushi都要$68+ 中拖要$45-58+ ，感覺嚟食飯有成5,6件，都係$178, 感覺好好！
雖然社會氣氛好多負能量，但仍然無阻搵食。食到好嘢心情都自然開心返
张贴
