1) 環境: 地方唔算大, d枱算迫, 但都唔係最大問題, 最大問題係完全唔夠冷氣
2) 整潔: 好多好多好多烏蠅, 雖然已裝咗滅烏蠅既野, 但實在太多太多, 滅唔晒, 烏蠅同人好似做咗好朋友咁, 唔明點解新開張都會咁!
3) 服務: 員工沒有禮貌, 黑口黑面好似欠咗佢咁, 可能因為迫既關係, 員工成日撞到客, 唔夠位行又唔叫人借一借
4) 食物: 份量備少, 我係正價午餐入去食, 但份量少唔夠飽(叫咗生牛肉河&香芽豬頸肉飯), 味道都ok, 唔算好好食好想返去果d, 但又唔係唔好食到下次唔可以去
5) 價錢: 見到個價都算適中, 但要計埋份量就偏貴, 加小食本人覺得唔抵
